Mietvertrag über Schlafkammern im Haus Erenfels während der Frankfurter Messe, 22. September 1477

[Blatt 4 r. –keine Paginierung] Ich Velthin von Straißburg burger zu Spier bekennen fur mich vnd my(ne) erb(e)n | offentlich mit diesem brieffe das ich recht und redelich bestanden han und besteen | in crafft diß brieffs vmb den Ersamen jungher Bernhartten Rorbach den | mittelsten kame in sinen huße Erenfelse darzu eyn Slaff Schlafkamer mit eym bette Vnd in dem krame von knecht eyn puluen eyn kussen vnd zwey | lylachenn vier iar lang daß sint acht messennecjst nacheinander fulgende | nach dat(um) diß brieffs mitnamen igliche fastenmesse besunder vmb vierdenhal- | ben gulde(en) vund igliche hirbstmesse besunder umb vier guld(en) gutter franckforter | werunge Vnd weres sache daß ich Veltin besunder ebgñant mynes lybes oder | herren withalber gey franckfort in dioe messen nit komen kundt oder mocht | Vnd sich daz[u?] kuntlich(e)n erfunde erfindt daß sal ich Veltin obgñt dem gena(n)- | ten Bernhartten eyn monet vor iglicher messe zu vor zcu wiss(e)n thun | sin krame sust mog(e)n bestell(e)n Vnnd zu welcher messe soliche verkl(a)runge | von mir Veltin dem genant(en) Bernhartten nit geschee / vnd zuwissen wir- | de / in massen wie vorgeschrieb(e)n stet / So solt dem vorgñt(en) Bernhartt(e)n | sin zinß doch vorfalle gefallen vnd erschienen Doch so behelt yme Bern- | hart ganz itztgñt gantz moge vnd macht soliche bestentenisse Vnnd alles | wie vorgeschrieb(e)n ist gantze und zu male abezusag(e)n oder abezuuerkunden | wan(n) vmd welche zyt yme fugt vnnd eben ist Vnnd ist die bestenteniß ge- | scheen in bywissen Meister Jacobs von marpurg auch eines kurscheners zu | Spier vnd Meister hans von Silgenstatt Snider zu franckfort Vnd | des alles zu warem urkunde han ich Veltin obgñt obgñt fruntlich(e)n gebett(e)n | den ersamen jungher Henne kemmerer Burger zu franckfort das er | sin eyg(e)n ingesiegel zuende dieser schrieft gedruckt hat Deß ich henne kemmerer itzgena(nn)t bekennen vmb beet will(e)n also versiegelt hann | Geb(e)n uff samßtag sant Matheus des heilig(en) Appostels vnd Evan- | gelisten abent Anno d(o)m(ini) Mo quadringe(n)tesimo septuagesimo septimo [Am linken Rand neben Z. 3–4 Glosse von anderer Hand (Schreiber 2)] Bernhart Rorbach. [Am linken Rand neben Z. 23–27 (Schreiber 2)] Juncker Henner Kemmerer 1477